រាជធានីភ្នំពេញ៖ព្រឹត្តិការណ៍នេះ រំពឹងថានឹងមានការចូលរួមពីប្រតិភូអន្តរជាតិចំនួន ៤០ក្រុមហ៊ុន ស្តង់ពិព័រណ៍ប្រមាណ ៥០០ និងអ្នកទិញចំនួន ២៦០ក្រុមហ៊ុន។ ក្នុងឱកាសនេះ ក្រសួងទេសចរណ៍ក៏នឹងរៀបចំ «វេទិកាបង្ហាញផ្លូវទេសចរណ៍កម្ពុជាទៅកាន់ទីផ្សារប្រទេសវៀតណាម» ដើម្បីជំរុញលំហូរទេសចរវៀតណាម និងទេសចរអន្តរជាតិ តាមរយៈវៀតណាម (Plus One) មកកាន់កម្ពុជា។ ដោយទទួលបានការអនុញ្ញាតពីរាជរដ្ឋាភិបាល លោក ហួត ហាក់ រដ្ឋមន្ត្រីក្រសួងទេសចរណ៍ នឹងដឹកនាំគណៈប្រតិភូក្រសួងទេសចរណ៍ និងវិស័យឯកជន ចូលរួមពិព័រណ៍ទេសចរណ៍អន្តរជាតិទីក្រុងហូជីមិញ លើកទី២០ ឆ្នាំ២០២៦ (ITE-HCMC 2026) និងកិច្ចប្រជុំពាក់ព័ន្ធ ចាប់ពីថ្ងៃទី២៥ ដល់ថ្ងៃទី២៩ ខែសីហា ឆ្នាំ២០២៦ នៅទីក្រុងហូជីមិញ ប្រទេសវៀតណាម។ ក្នុងអំឡុងព្រឹត្តិការណ៍ លោករដ្ឋមន្ត្រីនឹងដឹកនាំគណៈប្រតិភូចូលរួមកិច្ចប្រជុំរដ្ឋមន្ត្រីទេសចរណ៍កិច្ចសហប្រតិបត្តិការអនុតំបន់ចំនួន ៣ រួមមាន CLV លើកទី១, CLMV លើកទី៨ និង ACMECS លើកទី៧ ព្រមទាំងចូលរួមវេទិកាទេសចរណ៍កម្រិតខ្ពស់ស្តីពី «ទេសចរណ៍ម៉ាយ» និងកម្មវិធីសំខាន់ៗមួយចំនួនទៀតក្នុងព្រឹត្តិការណ៍នេះ។ ជាមួយគ្នានេះ លោក ហួត ហាក់ នឹងជួបប្រជុំទ្វេភាគីជាមួយថ្នាក់ដឹកនាំទីក្រុងហូជីមិញ និងភាគីពាក់ព័ន្ធក្នុងវិស័យទេសចរណ៍ ដើម្បីពង្រឹងកិច្ចសហប្រតិបត្តិការ និងជំរុញលំហូរភ្ញៀវទេសចរមកកាន់កម្ពុជាបន្ថែមទៀត៕

ព័ត៌មានទាក់ទង