រាជធានីភ្នំពេញ៖ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី២៤ ខែមិថុនា ឆ្នាំ២០២៦ បានអញ្ជេីញទទួលជួបជាមួយលោកស្រីបណ្ឌិត អាឡូណា ហ្វីសសុឺ-ខេម (Alona Fisher-Kamm) ឯកអគ្គរដ្ឋទូតវិសាមញ្ញ និងពេញសមត្ថភាពនៃរដ្ឋអុីស្រាអែលប្រចាំព្រះរាជាណាចក្រកម្ពុជា ក្នុងជំនួបពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ នាឱកាសនៃជំនួប ភាគីទាំងពីរ បានពិភាក្សាលើការពង្រឹងនិងពង្រីកកិច្ចសហប្រតិបត្តិការទ្វេភាគីក្នុងវិស័យកសិកម្ម និងការធានាសុវត្ថិភាពនិស្សិតកម្ពុជាដែលកំពុងហាត់ការនៅប្រទេសអុីស្រាអែល។ លោករដ្ឋមន្រ្តី ក៏បានលេីកឡេីងពីលទ្ធភាពសហប្រតិបត្តិការលើការស្រាវជ្រាវនិងអភិវឌ្ឍន៍បច្ចេកវិទ្យាជាមួយបណ្ឌិត្យសភាវិទ្យាសាស្រ្តកសិកម្ម ព្រមទាំងការជំរុញលេីការកែច្នៃកសិផលសក្តានុពលរបស់កម្ពុជាសម្រាប់នាំចេញទៅកាន់ទីផ្សារអុីស្រាអែលផងដែរ៕

ព័ត៌មានទាក់ទង