ឆ្លងតាមការប្រកួតសន្សំពិន្ទុ ២លើកប្រចាំពូល A មិចស៊ិកបានកក់កៅអីទៅវគ្គ ៣២ក្រុមរួចរាល់ហើយ ក្នុងចំណោម ៤៨ប្រទេស ក្រោយជ័យជម្នះ ២លើកជាប់ៗគ្នាទៅលើគូប្រជែងអាហ្រ្វិកខាងត្បូង ២-០ និងឈ្នះកូរ៉េខាងត្បូង ១-០ ថែមទៀតមាន ៦ពិន្ទុឈរកំពូលតារាងដាច់តែម្តង។ ការប្រកួតសន្សំពិន្ទុជុំទី៣ បិទបញ្ចប់ពូល A B និងពូល C នៅព្រឹត្តិការណ៍បាល់ទាត់ពិភពលោក FIFA World Cup 2026 នៅពេលក្រុមម្ចាស់ផ្ទះមិចស៊ិកត្រូវលេងបង្រ្គប់កិច្ចទល់នឹងក្រុមមកពីអឺរ៉ុប សាធារណរដ្ឋឆេក ប្រចាំពូល A នាម៉ោង ៨ព្រឹកស្អែក (ម៉ោងនៅកម្ពុជា)។ ជាមួយគ្នាសម្រាប់ពូល B ដោយមានសហម្ចាស់ផ្ទះកាណាដា ដែលលេងមិនទាន់ចាញ់នោះ ក្រោយឆ្លងកាត់ ២ប្រកួតដូចគ្នាត្រូវប្រឈមមុខនឹងក្រុមមកពីអឺរ៉ុប ស្វីស ដែលលេងមិនទាន់ចាញ់ដូចគ្នា ក្រៅពីឈ្នះ១ និងស្មើ១។ ដោយឡែក សាំបាប្រេស៊ីល អតីតជើងឯក World Cup ៥សម័យកាលច្រើនជាងគេ និងកំពុងឈរនៅទីកំពូលតារាងនៃ ពូល C ផងនោះ ត្រូវជួបស្កុតឡេន ក្រុមចេញពីតំបន់អឺរ៉ុប ដែលទើបមាន ៣ពិន្ទុ តាមពីក្រោយក្រុមលេខ២ មកពីតំបន់ អាហ្រ្វិក ម៉ារ៉ុក ត្រឹម ១ពិន្ទុប៉ុណ្ណោះ។ គូទី៤៩៖ បូស្នី ប៉ះ កាណាដា ម៉ោង ២រំលងអាធ្រាត្រ (ពូល B) គូទី៥០៖ កាណាដា ប៉ះ ស្វីស ម៉ោង ២រំលងអាធ្រាត្រ (ពូល B) គូទី៥១៖ ម៉ារ៉ុក ប៉ះ ហៃទី ម៉ោង ៥ព្រឹក (ពូល C) គូទី៥២៖ ស្កុតឡេន ប៉ះ ប្រេស៊ីល ម៉ោង ៥ព្រឹក (ពូល C) គូទី៥៣៖ មិចស៊ិក ប៉ះ សាធារណរដ្ឋឆេក ម៉ោង ៨ព្រឹកស្អែក (ពូល A) គូទី៥៤៖ កូរ៉េខាងត្បូង ប៉ះ អាហ្រ្វិកខាងត្បូង ម៉ោង ៨ព្រឹកស្អែក (ពូល A)៕

ព័ត៌មានទាក់ទង