អ្នកគ្រូពេទ្យ តាន់ លីលី ជាវេជ្ជបណ្ឌិតឯកទេសថ្លើម ក្រពះ និងពោះវៀន ដែលបានបញ្ចប់ការ​សិក្សានៅសាកលវិទ្យាល័យវិទ្យាសាស្ត្រសុខាភិបាល និងនៅប្រទេសបារាំង តាមរយៈអាហារូប​ក​រណ៍របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈសម្តេចមហា​បវរ​ធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី។ បច្ចុប្បន្នអ្នកគ្រពេទ្យ តាន់ លីលី កំពុងបម្រើការងារនៅមន្ទីរពេទ្យក្នុងខេត្តព្រះវិហារ។ ថ្លើមជាសរីរាង្គក្នុងរាង្គកាយដ៏សំខាន់មួយសម្រាប់មនុស្ស។ បើសរីរាង្គមួយនេះ ត្រូវខូច ឬបាត់បង់តួនាទី នឹងបង្កបញ្ហាជាច្រើនផ្នែកសុខភាពរបស់មនុស្ស។ អ្នក​គ្រពេទ្យ បានពន្យល់ថា ថ្លើមមានតួនាទីសំខាន់ក្នុងរាង្គកាយរបស់មនុស្ស គឺការចម្រោះ​នូវ​ជាតិពុលទាំងឡាយ។ បើថ្លើមបាត់បង់សមត្ថភាព នឹងធ្វើឱ្យសុខភាពរបស់មនុស្សជួបការ​រំខាន ចុះខ្សោយ បង្កើតទៅជាជំងឺផ្សេងៗ។ បើតាមអ្នកគ្រូពេទ្យស្រា ជាមូលហេតុចម្បងមួយដែលនាំឱ្យថ្លើមខូច បន្ទាប់មកការប្រើប្រាស់​ថ្នាំដោយគ្មានវេជ្ជបញ្ជាឱ្យបានត្រឹមត្រូវ ក៏បង្កឱ្យថ្លើមខូចដែរ។ ដើម្បីថែទាំថ្លើមឱ្យបានល្អ អ្នកគ្រូពេទ្យផ្តល់យោបល់ឱ្យពិសាសាច់ និងបន្លែមានបរិមាណ​សម​ស្រម និងហាត់ប្រាណ។ បន្ទាប់ទៅ គឺត្រូវទៅពិនិត្យសុខភាពឱ្យបានទៀងទាត់ ដើម្បីពិនិត្យ​រក​អង់ទីករ​អង់ទីករ (Antibody) បើគ្មានអង់ទីករ ត្រូវចាក់អង់ទីករ បន្ថែមពីលើនោះ គឺរក​មេរោគ និងបញ្ហាថ្លើម។ ការរកឃើញបញ្ហារបស់ថ្លើមបានទាន់ពេលវេលា នឹងជួយឱ្យការព្យា​បាលទទួលបានលទ្ធផលល្អប្រសើរ៕

ព័ត៌មានទាក់ទង