រាជធានីភ្នំពេញ៖អតីតចាងហ្វាង និងជាអ្នកដឹកនាំផលិតភាពយន្ដល្បីឈ្មោះ លោកតា ប្រាក់ សារិន ហៅហុង បច្ចុប្បន្នកំពុងធ្លាក់ខ្លួនខ្លាំង ពោលលោកត្រូវដើរសុំអាហារតាមវត្តអារាមដើម្បីទទួលទានប្រចាំថ្ងៃ។ លោក ប្រាក់ សារិន ហៅហុង ដែលល្បីឈ្មោះនៅអំឡុងឆ្នាំ១៩៨៧ ជាម្ចាស់ផលិតកម្ម និងជាអ្នកដឹកនាំសម្ដែង បានបញ្ជាក់ថា បច្ចុប្បន្ននេះលោកមានកូនស្រីម្នាក់ក្នុងបន្ទុក ដែលមានជំងឺសរសៃប្រសាទ ខណៈប្រពន្ធក៏ដេកឈឺលើកន្ទេល។ សម្រាប់លោកខ្លួនឯង ក៏ធ្លាក់ខ្លួនពិបាកភ្នែកប្រមាណ ១២ឆ្នាំមកហើយ។ កាលពីថ្ងៃទី១៧ ខែកក្កដា ឆ្នាំ២០២៦ លោកតា ប្រាក់ សារិន រួមជាមួយបងប្អូនសិល្បករសិល្បការិនីជើងចាស់ជាង២០នាក់ បានមកទទួលអំណោយពីគ្រួសារសប្បុរសធម៌មួយ ដើម្បីជួយដោះស្រាយការលំបាកបានខ្លះ។ នៅក្នុងកិច្ចសម្ភាសន៍ជាមួយអតីតតារាភាពយន្តដ៏ល្បីឈ្មោះអ្នកស្រី ចាន់ តារាទី ដែលធ្លាប់លោកតា ប្រាក់ សារិន ជួលឲ្យមកថតកុនផងដែរនោះ លោកតាសូមអំពាវនាវដល់សប្បុរសជន ជួយឧបត្ថម្ភ និងបរិច្ចាគធនធានថវិកាដើម្បីសង្គ្រោះលោក និងគ្រួសារដែលកំពុងជួបការលំបាក។ ទំនាក់ទំនងលេខទូរស័ព្ទ 097 42 44 366៕

ព័ត៌មានទាក់ទង