ខេត្តតាកែវថ្លែងនៅក្នុងពិធីបើកវគ្គបំប៉ន ជំនាញកុំព្យូទ័រដល់យោធិន នៃកងរាជអាវុធហត្ថខេត្តតាកែវ នៅព្រឹកថ្ងៃទី២៥ ខែមិថុនា ឆ្នាំ២០២៦នេះ លោកឧត្តមសេនីយ៍ត្រី សេង មហា បានបន្តថា បច្ចុប្បន្នការងារជាច្រើនត្រូវប្រើប្រាស់ប្រព័ន្ធ បច្ចេកវិទ្យា ហេតុដូច្នោះ មន្ត្រីអាវុធហត្ថគ្រប់លំដាប់ថ្នាក់ត្រូវប្រឹងប្រែងរៀនសូត្រ និងពង្រឹងសមត្ថភាពលើការប្រើប្រាស់ប្រព័ន្ធបច្ចេកវិទ្យាថ្មីៗ ដើម្បីឆ្លើយតបទៅនឹងការវិវត្តនៃសង្គមឌីជីថលកម្ពុជាឆ្ពោះទៅរកឌីជីថល និងការទប់ស្កាត់បទល្មើសបច្ចេកវិទ្យា បង្កើនការស្រាវជ្រាវ និងបង្ក្រាបការឆបោកតាមប្រព័ន្ធអនឡាញ (Online Scams) ដែលតម្រូវឱ្យមន្ត្រីមានចំណេះដឹងផ្នែកបច្ចេកវិទ្យាខ្ពស់។ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានណែនាំមន្រ្តីកងរាជអាវុធហត្ថក្រោមឱវាទ ត្រូវយកចិត្តទុកដាក់សិក្សារៀនសូត្រពីការប្រើប្រាស់កុំព្យូទ័រ និងប្រើប្រាស់បច្ចេកវិទ្យាថ្មីៗ​​ ដើម្បីឆ្លើយតបទៅនឹងតម្រូវការងារនាពេលបច្ចុប្បន្ននេះ។ លោកឧត្តមសេនីយ៍ត្រី សេង មហា បានបញ្ជាក់ថា ការបើកវគ្គបង្រៀនកុំព្យូទ័រ និងការប្រើប្រាស់បច្ចេកវិទ្យាថ្មីៗដល់មន្រ្តីអាវុធហត្ថខេត្តតាកែវ គឺស្របទៅនឹងការណែនាំជាប្រចាំរបស់នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដែលជានិច្ចជាកាលបានណែនាំដល់មេបញ្ជាការកងរាជអាវុធតាមបណ្ដាលរាជធានី​ ខេត្ត ឱ្យបើកវគ្គជំនាញកុំព្យូរទ័រ និងការប្រើប្រាស់បច្ចេកវិទ្យាថ្មីៗដល់មន្រ្តីអាវុធហត្ថ ដើម្បីបង្កើនសមត្ថភាពការប្រើប្រាស់ប្រព័ន្ធបច្ចេកវិទ្យា នាំទៅរកភាពងាយស្រួលក្នុងការអនុវត្តន៍ការងារជំនាញជាពិសេសការទប់ស្កាត់បទល្មើសតាមប្រព័ន្ធបច្ចេកវិទ្យា។ ឆ្លៀតនៅក្នុងឱកាសនោះ មេបញ្ជាការកងរាជអាវុធហត្ថខេត្តតាកែវ ក៏បានណែនាំដល់មន្រ្តីអាវុធហត្ថតាមបណ្ដាលក្រុង ស្រុកត្រូវយកចិត្តទុកដាក់ ទប់ស្កាត់ និងបង្រ្កាបបទល្មើសគ្រឿងញៀន ក្មេងទំនើង ការឆបោកតាមប្រព័ន្ធអនឡាញ និងត្រូវត្រៀមខ្លួនជួយសង្រ្គោះប្រជាពលរដ្ឋប្រសើនបើមានគ្រោះធម្មជាតិកើតឡើងនៅក្នុងរដូវវស្សានេះ៕

ព័ត៌មានទាក់ទង