រាជធានីភ្នំពេញ៖លោក ហួត ហាក់ រដ្ឋមន្ត្រីក្រសួងទេសចរណ៍ នៅថ្ងៃទី៦ ខែតុលា ឆ្នាំ២០២៦ បានអនុញ្ញាតឲ្យលោក Kürşad Bakır នាយកប្រតិបត្តិ និងជានាយកគ្រប់គ្រង និងលោក Fırat Çetin អគ្គនាយករងក្រុមហ៊ុន Selfie Travel មកពីទីក្រុង Shymkent នៃសាធារណរដ្ឋកាហ្សាក់ស្ថាន ចូលជួបសម្តែងការគួរសម និងពិភាក្សាការងារ ស្តីពីកិច្ចសហប្រតិបត្តិការទេសចរណ៍ និងឱកាសវិនិយោគនៅកម្ពុជា។ កិច្ចពិភាក្សាផ្តោតលើការជំរុញលំហូរភ្ញៀវទេសចរ និងវិនិយោគិនពីសាធារណរដ្ឋកាហ្សាក់ស្ថានមកកម្ពុជា តាមរយៈកិច្ចសហប្រតិបត្តិការរវាងក្រុមហ៊ុនអាកាសចរណ៍ ប្រតិបត្តិករទេសចរណ៍ និងភ្នាក់ងារទេសចរណ៍នៃប្រទេសទាំងពីរ។ ជាពិសេស ភាគីទាំងពីរបានពិភាក្សាពីការបង្កើនជើងហោះហើរតាមរដូវកាល ដើម្បីជំរុញកំណើនចំនួនភ្ញៀវទេសចរ អ្នកធ្វើដំណើរ និងវិនិយោគិនរវាងកម្ពុជា និងកាហ្សាក់ស្ថាន៕

ព័ត៌មានទាក់ទង