អ្នកនាំពាក្យរបស់ WHO បានបញ្ជាក់តាមរយៈអ៊ីមែលថា ភ្នាក់ងារបានធ្វើបច្ចុប្បន្នភាពតួលេខនៃករណីសរុប (ទាំងករណីឆ្លង និងសង្ស័យ) ឡើងដល់ ៩ករណី បន្ទាប់ពីប្រទេសបារាំងបានរាយការណ៍ថា អ្នកដំណើរជនជាតិបារាំងម្នាក់ដែលត្រូវបានជម្លៀសចេញពីនាវា MV Hondius បានធ្វើតេស្តវិជ្ជមានវីរុសនេះ។ អង្គការសុខភាពពិភពលោក (WHO) នាថ្ងៃចន្ទនេះបានប្រកាសថា ខ្លួនបានរកឃើញករណីឆ្លងវីរុស Andes Hantavirus ដែលត្រូវបានបញ្ជាក់ជាផ្លូវការចំនួន ៧ករណី ក្នុងចំណោមអ្នកដំណើរដែលស្ថិតនៅលើនាវាទេសចរណ៍ MV Hondius។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ក្នុងចំណោម ៩ករណីនេះ មាន ២ករណីនៅតែស្ថិតក្នុងការសង្ស័យនៅឡើយ រួមទាំងអ្នកដំណើរម្នាក់ដែលគេជឿថាជាអ្នកឆ្លងដំបូងគេបង្អស់នៅក្នុងការផ្ទុះឡើងនេះ ដោយសារគាត់បានស្លាប់មុនពេលត្រូវបានធ្វើតេស្ត។ អង្គការសុខភាពពិភពលោកបានបញ្ជាក់ថា ការផ្ទុះឡើងនៃវីរុសនេះបានឆក់យកជីវិតមនុស្សអស់ចំនួន ៣នាក់ហើយ៕

ព័ត៌មានទាក់ទង