នៅអំឡុងពេលលីគសម្រាក ដើម្បីកីឡាករបានចូលរួមជាមួយជម្រើសជាតិកាលពីខែមីនា អតីតកីឡាករក្លិប Atletico Madrid ខាងលើបានបង្ហើបថា រូបលោកបានកំពុងពិចារណាក្នុងការចាកចេញពី Etihad ដើម្បីមកចូលរួមជាមួយ Real Madrid ដោយ Rodri ម្ចាស់ពានបាល់មាស Ballon dÓr កាលឆ្នាំ២០២៤ បានថ្លែងថា «អ្នកមិនអាចបោះបង់ឱកាសលេងឱ្យក្លិបល្អបំផុតលើលោកបានឡើយ»។ លោក Pep Guardiola អ្នកចាត់ការទូទៅក្លិប Manchester City បានថ្លែងថា រូបលោកមិនសប្បាយចិត្ត ឡើយ នៅពេលឃើញកីឡាករចាកចេញ ដ្បិតលោកសង្ឃឹមថា ខ្សែបម្រើ Rodri នឹងបន្តលេងជាមួយមេឃខៀវទៀត។ នេះបើយោងតាមការចេញផ្សាយដោយ BBC។ Rodri វ័យ ២៩ឆ្នាំ និងជាប្រធានក្រុមជម្រើសជាតិគោជល់អេស្ប៉ាញផងនោះ បានបង្ហាញខ្លួន ២៩៣ប្រកួតមកហើយជាមួយ City គិតចាប់តាំងពីចូលរួមក្នុងឆ្នាំ២០១៩ និងឈ្នះពានធំៗបានចំនួន ១២ទៀតផង មុនពេលកិច្ចសន្យាចាស់ នឹងអស់សុពលភាពនាបំណាច់រដូវកាលឆ្នាំ២០២៥-២៦។ លោក Pep អ្នកចាត់ការទូទៅ Man City សញ្ជាតិអេស្ប៉ាញក៏បានទទួលស្គាល់ថា «គ្មានកីឡាករណាម្នាក់សុខចិត្តបោះបង់ឱកាសមាសលេងឱ្យក្លិបធំ Real Madrid នេះឡើយ។ ខ្ញុំតែងតែប្រាថ្នាចង់ឱ្យ Rodri បន្តលេងជាមួយពួកយើងទៀតយូរប៉ុណ្ណាតាមដែលអាចធ្វើទៅបាន ព្រោះគាត់ជាកីឡាករដ៏ល្អមួយរូបក្នុងក្រុម»៕

ព័ត៌មានទាក់ទង